أحلى أيام حياتي

اليوم هو أحلى  أيـام  حياتـي         في هاليوم انولد  حبي وغلاتـي

اليوم أعيش أحلـى  ذكرياتـي         وبستقبـل التبريكات والتهانـي

مثل هاليوم انولد  حبي الوحيـد         ومن ذاك اليوم والحب يزيــد

بعدهـا انكتب لي عمر جديـد         و زان عمري و صار شي ثانـي

اليوم بنثر كل أنـواع الـورود         اليوم شوقـي أبد ماله حـدود

الذكـرى بقلبي اليـوم تعـود          و تنعاد أحلى و أغلى الأمانـي

الكل عنـدي اليـوم موعـود         الوناسه هنـا والفرح موجـود

بوزن الأوتـار وبعزف العـود         أنا  اليوم بغني  أحلى  الأغانـي

اليوم الكـل بيشعل الشمـوع         ومافي مكان للحزن و الدمـوع

اليوم الفـرح والضحك مجموع         الكل جاني ومن ورده أهدانـي